इंदापूर तालुक्यातील सर्व रुग्णवाहिका चालकांचा 1 वर्षाचा आरोग्य विमा उतरविणार; प्रविण माने यांचा अनोखा स्तुत्य उपक्रम!

Spread the love

इंदापुर | आजच्या या स्पर्धेच्या युगात आधीच सर्वांची जगण्याची कसरत होत असताना, यातच कोरोना सारख्या महामारीने आपले डोके वर काढले. एकमेकांच्या संपर्कात आल्याने होणाऱ्या या रोगाने माणसाचे माणसाशी असणारे दोर तोडत साऱ्यांनाच आपल्या प्रभावात घेतल्याचे चित्र आहे. तरीही या वैश्विक महामारी समोर खचून न जाता आपल्यातीलच काही जिवंत हाडामासाची माणसं या रोगाशी आपले प्राणपणाला लावून लढत आहेत. यातीलच आरोग्य सेवेतील एक महत्त्वपूर्ण घटक म्हणजे रुग्णवाहिका चालक.

सध्याच्या या आणीबाणीच्या परिस्थितीमध्ये रुग्णांना तात्काळ आरोग्यसेवेची गरज असताना, त्यांच्याकडून होत असणारी सेवा ही नक्कीच वंदनीय आहे. याचसाठी आज राष्ट्रपिता महात्मा गांधी व देशाचे माजी पंतप्रधान लाल बहादूर शास्त्रीजी यांच्या जन्मदिनाचे औचित्य साधत इंदापूर येथे विचारमंथन ग्रुपच्या वतीने आयोजित करण्यात आलेल्या एका कार्यक्रमात या चालकांचा विशेष आदर सत्कार करण्यात आला. यावेळी बोलत असताना मा. सभापती बांधकाम व आरोग्य, तथा पुणे जिल्हा परिषद सदस्य प्रविण माने यांनी इंदापूर तालुक्यातील सर्व रुग्णवाहिका चालकांच्या स्वास्थ्याचा विचार करत, पुढल्या एक वर्षासाठी स्वखर्चाने चालक बांधवांचा आरोग्य विमा उतरविणार असल्याचे जाहीर केले.

आज इंदापूर येथे संपन्न झालेल्या या कार्यक्रमाच्या निमित्ताने आज राधिका सेवा संस्थेचे संस्थापक अध्यक्ष अरविंदतात्या वाघ, पुणे जिल्हा संघटक सचिव शिवाजीराव मखरे, बारामती लोकसभा मतदार संघ अध्यक्ष अँड शुभम निंबाळकर, आरपीआय तालुका अध्यक्ष संदीप कडवळे, आर पी आय पश्चिम महाराष्ट्र सरचिटणीस नितीन आरडे, श्रमिक पत्रकार संघ तालुका अध्यक्ष सुरेश मिसाळ, कार्यध्यक्ष देवा राखूडे, दत्तात्रय धडस, सय्यद मॅडम, शरद झोळ, धनंजय कळमकर, दत्तात्रय ठोकळे व इतर मान्यवर उपस्थित होते.

Google Ad

ताज्या बातम्या

error: या पोर्टल वरील सर्व बातम्या, लेख, फोटो यांचे सर्व हक्क संपादकांकडे असून, परवानगी शिवाय बातमी कॉपी करू नये.