आता ATMमधून पैसे काढणे महागणार, डेबिट कार्ड, क्रेडिट कार्ड शुल्कात वाढ!

Spread the love

नवी दिल्ली | आता पैसे काढणे अधिक महाग होणार आहे. विहित मर्यादेपेक्षा अधिक ग्राहकांच्या एटीएममधून पैसे काढल्यानंतर बँका शुल्क आकारू शकतात. रिझर्व्ह बँक ऑफ इंडियाने (आरबीआय) अलीकडे बँकांना स्वयंचलित टेलर मशिन्स (एटीएम) वर प्रत्येक व्यवहारावरील शुल्क 21 रुपये करण्याची परवानगी दिलीय. हे सुधारित दर 1 जानेवारी 2022 पासून लागू होतील.

बँकेच्या एटीएममधून दरमहा पाच विनामूल्य व्यवहार करू शकतात..

ग्राहक त्यांच्या बँकेच्या एटीएममधून दरमहा पाच विनामूल्य व्यवहार करू शकतात. यात आर्थिक आणि गैर-आर्थिक दोन्ही व्यवहारांचा समावेश आहे. जर त्या मर्यादा ओलांडल्या तर त्यांना प्रत्येक एटीएम व्यवहारासाठी 20 रुपये अतिरिक्त रक्कम द्यावी लागेल. अन्य बँकांचे एटीएम वापरणाऱ्या ग्राहकांना रोख रक्कम काढण्यासाठी मेट्रो शहरांमध्ये तीन आणि मेट्रो नसलेल्या शहरांमध्ये पाच विनामूल्य एटीएम व्यवहाराची परवानगी आहे.

इंटरचेंज फीसाठी नवीन नियम 1 ऑगस्टपासून लागू

जून 2019 मध्ये आरबीआयने एटीएमच्या व्यवहारांच्या इंटरचेंज रचनेवर विशेष लक्ष केंद्रित करून एटीएम शुल्काचे पुनरावलोकन करण्यासाठी एक समिती गठीत केली होती. आरबीआयने एटीएम व्यवहारासाठी इंटरचेंज फी 15 रुपयांवरून 17 रुपयांपर्यंत वाढविली आणि आर्थिक व्यवहारांसाठी 5 रुपयांवरून 6 रुपयांपर्यंत वाढ केली. नवीन दर 1 ऑगस्ट 2021 पासून लागू होतील. आरबीआयच्या मते, इंटरचेंज फी क्रेडिट कार्डे किंवा डेबिट कार्ड्सद्वारे पेमेंटवर प्रक्रिया करणाऱ्या व्यापाऱ्यांना बँकांकडून आकारली जाणारी ही फी आहे.

एसबीआयनेही सेवा शुल्कात केला बदल

स्टेट बँक ऑफ इंडियाने (SBI) अलीकडेच जुलैच्या सुरुवातीस एटीएम आणि बँक शाखेतून पैसे काढण्यासाठी सेवा शुल्कामध्ये बदल केला. एसबीआयने बीएसबीडी खातेधारकांसाठी नवीन नियम लागू केलेत. एसबीआयच्या म्हणण्यानुसार, बीएसबीडी खाते असलेले ग्राहक आता केवळ शाखा शुल्क आणि एटीएममधून मर्यादित संख्येने म्हणजेच कोणत्याही सेवा शुल्काशिवाय चार वेळा पैसे काढू शकतील. यानंतर जर एखादा ग्राहक एटीएम किंवा शाखेतून पैसे काढत असेल तर त्याला प्रत्येक व्यवहारासाठी सर्व्हिस चार्ज आणि जीएसटी म्हणून 15 रुपये द्यावे लागतील. एसबीआयशिवाय अन्य कोणत्याही एटीएममधून पैसे काढण्यासाठी हाच नियम लागू असेल.

Google Ad

ताज्या बातम्या

error: या पोर्टल वरील सर्व बातम्या, लेख, फोटो यांचे सर्व हक्क संपादकांकडे असून, परवानगी शिवाय बातमी कॉपी करू नये.