महाराष्ट्रात १७ ऑक्टोबरपर्यंत मेघगर्जनेसह मुसळधार पावसाचा अंदाज?
मुंबई | बंगालच्या उपसागरात निर्माण झालेला कमी दाबाचा पट्टा अधिक खोलवर गेल्याने त्याची दिशा पश्चिम-वायव्य अशी राहील. त्यामुळे संपूर्ण महाराष्ट्रात १७ ऑक्टोबरपर्यंत मेघगर्जनेसह मुसळधार पावसाची शक्यता मुंबईच्या प्रादेशिक हवामान विभागानं वर्तवली आहे. मध्य महाराष्ट्रासह, विदर्भ तसेच कोकणात बऱ्याच ठिकाणी येत्या चार-पाच दिवसांत मेघगर्जनेसह पावसाची शक्यता आहे. हवामान विभागाच्या अधिकारी शुभांगी भुते यांनी ही माहिती दिली.
येणारा आठवडा,11-17 Oct, महाराष्ट्रात कोकणसह आतल्या भागात पाउस पूर्णता सक्रीय राहण्याची शक्यता.काही ठीकाणी मुसळधार ते अतीमुसळधारची शक्यता,गडगडाटासह 🌩 जोरदार वारे.कापणीला आलेल्या पीकांवरती दाट प्रभाव होण्याची शक्यता.
IMD च्या इशा-यांकडे कृपया लक्ष द्यावे.TC@RMC_Mumbai
@RMC_Nagpur pic.twitter.com/i4mcAuWNxV— K S Hosalikar (@Hosalikar_KS) October 11, 2020
११ ते १७ ऑक्टोबर या काळात महाराष्ट्रात कोकणासह आतल्या भागात पाऊस सक्रिय राहण्याची शक्यता आहे. काही ठिकाणी मुसळधार ते अतिमुसळधार पाऊस पडेल. ढगांच्या गडगडाटासह जोरदार वारे वाहतील. कापणीला आलेल्या पिकांना याचा फटका बसण्याची शक्यता आहे, असा इशारा मुंबईच्या हवामान विभागाचे उपसंचालक के. एस. होसाळीकर यांनी दिला आहे. पुणे शहर आणि परिसरात दिवसभर ढगाळ वातावरण होते, सकाळपासून सूर्यदर्शन झाले नाही. काल रात्री शहरात सर्वत्र मुसळधार पाऊस बरसला. आज दिवसभर वातवारण ढगाळ होते, काही ठिकाणी पाऊस झाला.
