पुणे | आजपासून पुणे अनलॉक झालं आहे. पालकमंत्री आणि राज्याचे उपमुख्यमंत्री अजित पवार यांनी यासंदर्भातली घोषणा केली आहे. आजपासून पुणे जिल्ह्यात दुकानं रात्री 8 तर हॉटेल 10 वाजेपर्यंत सुरू राहणार आहे. अखेर पुण्यात कोरोनाबाबतचे निर्बंध शिथील करण्यात आले असून आज पासून साप्ताहिक सुट्टी वगळता सर्व प्रकारची दुकाने सकाळी 7 ते रात्री 8 या वेळात खुली राहतील.
1 – मॉल्स ही खुले राहतील मात्र तिथं लशीचे 2 डोस घेतलेल्यांना प्रवेश असेल.
2 – हॉटेल ,रेस्टॉरन्ट हे रात्री 10 वाजेपर्यंत 50 टक्के क्षमतेने सुरू असतील.
3 – बाग सकाळी 6 ते 10 आणि सायंकाळी 4 ते 7 वेळात खुल्या असतील
4 – इनडोअर, आऊट डोअर खेळांना परवानगी असेल.
5 – मात्र धार्मिक स्थळे, थिएटर, नाट्यगृहे, शाळा, महाविद्यालयये बंदच असतील.
पुणे शहरात दोन्ही डोस घेतलेले नागरिक 7 लाख आहेत. एकूण उद्दिष्ट 33 लाख असून 18 लाख 62 हजार 720 नागरिकांनी पहिला डोस घेतला आहे. शहराचा बाधित दर 3.3 टक्के इतका आहे.
2 डोसच्या सक्तीमुळे मॉल व्यावसायिक तर नाट्यगृहे सुरू न करण्याच्या निर्णयामुळे रंगकर्मी नाराज आहेत. उल्लंघन करून दुकाने उघडली म्हणून गुन्हे दाखल केलेल्या व्यापाऱ्यांवरील गुन्हे मागे घेणार नसल्याचं अजित पवारांनी ठणकावून सांगितलं आहे. त्यामुळं संबंधित व्यापारी अडचणीत आलेत.
